Xeops piramidası Misır ataması
| ||||||||||
Urın |
Giza, Misır | |||||||||
---|---|---|---|---|---|---|---|---|---|---|
Yomış birgän şäxes |
Xeops (Χέωψ , Σοῦφις) | |||||||||
Tözü waqıtı |
IV dinastiä (2560-2540 b.e.q.) | |||||||||
Tör |
Piramida | |||||||||
Nigez zurlığı |
230 m | |||||||||
Bieklek |
başta 146,6 m, bügen 138,75 m | |||||||||
Awışlığı |
51° 50' | |||||||||
Xeops piramidası, Giza böyek piramidası - Misır piramidalarınıñ iñ zurısı, Dönyanıñ cide moğcizasınıñ berdänber saqlanğan moğcizası.
Xeops piramidası Misır iñ zur piramidaları kompleksına kerä, Giza yassı tawlığında urnaşqan. Bu Xeops (Xufu), Xefren (Xafra) häm Mikerin (Menkaur) piramidaları.
Böyek piramidanıñ miğmarı - Xeops bertuğannıñ ulı, wäzir Xemion bulıp sanala.
Öç meñ artıq yıl däwamında (1300 yılda Angliä, Linkoln şähärendä kafedral' çirkäw tözelgängä qädär) Xeops piramidası - Cirdäge iñ biek tözegän bina bulğan.
Çamalap piramida tözeleşe 20 yıl däwamında suzılğan, 2540 b.e.q. tämamlanğan.
2560 b.e.q. yılnıñ 23 avgustı - piramida tözi başlawı Misırda räsmi räweştä bäyräm itelä. Läkin bütän tözü datası da bar: 2720 b.e.q. (AQŞ), 2708 b.e.q. (Bauman ünivirsitite, Rusiä). Radiouglerod ısulı 2680-2850 b.e.q. waqıt diapazonın birä.
Piramida räsmi iseme - "Axet-Xufu" - "Xufu ofığı". İzvest taştan häm granittan tora, tabiği izvest ürendä tözelgän.
Başta piramida aq izvest taştan qaplanğan bulğan, tübäsendä altınlanğan taş urnaşqan bulğan, qoyaşta balqığan. 1168 yılda Qähirä yäşäwçeläre piramida tışlığın üz yortları öçen alğannar.