PROTECT IP Act, Protect Intellectual Property Act (поўная назва — Preventing Real Online Threats to Economic Creativity and Theft of Intellectual Property Act of 2011 ці PIPA), таксама вядомы як Senate Bill S.968 ці S. 968 — законапраект, мэта якога — даць ураду і ўладальнікам аўтарскіх правоў дадатковыя інструменты для блакавання «сайтаў-ізгояў, якія прапануюць кантрафактныя тавары і парушаючых аўтарскае права», асабліва — сайтаў, зарэгістраваных за межамі ЗША. Першапачаткова ўнесены ў Сенат ЗША 12 мая 2011 года сенатарам Патрыкам Лехі (сумесна з яшчэ 11 фундатарамі), па стане на 17 снежня 2011 года законапраект атрымаў падтрымку 40 сенатараў з абедзвюх партый.
Гэты законапраект уяўляе сабою перапісаную версію Combating Online Infringement and Counterfeits Act (COICA), які не прайшоў у 2010 годзе. Падобны законапраект пад назвай Stop Online Piracy Act (SOPA) унесены 26 кастрычніка 2011 года ў Палату прадстаўнікоў ЗША.
Лідар большасці ў Сенаце, Гары Рыд, прызначыў галасаванне па гэтым законапраекце на 24 студзеня 2012 года.